Yingkiong Geku Pastorate

Pastorate Circle(PC): Ngoluke ABU araso (8) pínyi ko Pastorate circle e kadung.Pastorate Circle (PC) emnam si idung Association sok local church lo iyi isange  ipoyanam legape Pastorate Circle emla Circle pinyi kope Adi Baptist Union association sim ipansutung. Pastorate Circle so Office bearer kangu sudung. Dekede idung president , vice president, secretary, assistant secretary, treasurer, youth secretary, woman secretary, sunday school co-ordinator kidarsi. Delokke pastorate circle sikom agie circle committee kasudung. So committee so editko circle lok mission ager ipenam kadudi lupoem pobosula ager em idung. So ingkona dicission ko laadudi dem secretary e igebodung. Delokke pastorate circle so ati legang ko irang sukai emmilo Association lo executive committee lo bomadung. Pastorate Circle lok  president secretary kidare Adi Baptist Union executive committee members pe idungku. Adi Baptist Union (ABU) sok si Pastorate Circle si akone. Yingkiong Geku Pastorate Circle Yingkiong.

Local Church : Yingkiong –Geku Pastorate Circle si motengyalumna circle akonpe idung. Si circle si China border lope ipídung. Church kídare amé-amé idung ídokom church ekom, leader kídarekom ralnamruupe mission agerem íbomdung. Bedubedang ekom ginyinge idung delokke Kristian boje kamang. Idokom Shedi Rutum ke ayange supak Jisu me mingkesune bojeko lenkai.

Sim yegebona kídare President delokke Secretary Kadung. Circle committee, conference salvation camp, church visit prog. tabungem airupe idung.

Local Churches:

  1. Geku
  2. Gobuk
  3. Yingkiong
  4. Riga
  5. Pegi botte
  6. Tuting
  7. Gome
  8. Ningging