Mebo Pastorate

Pastorate Circle (PC): Ngoluke ABU araso (8) pínyi ko Pastorate circle e kadung. Pastorate Circle emnam si idung Association sok local church lo iyi isange ipoyanam legape Pastorate Circle emla Circle pinyi kope ABU association sim ipansutung. Pastorate Circle so office bearer kangu sudung. Dekede idung president , vice president, secretary, assistant secretary, treasurer, youth secretary, woman secretary, sunday school co-ordinator kidarsi. Delokke PC sikom agie circle committee kasudung. So committee so editko circle lok mission ager ipenam kadudi lupoem pobosula ager em idung. So ingkona dicission ko laadudi dem secretary e igebodung. Delokke Pastorate Circle so ati legang ko irang sukai emmilo association lo EC lo bomadung. PC lok president secretary kidare ABU executive committee members pe idungku

Adi Baptist Union sok si Pastorate Circle si akone Mebo pastorate circle. Mebo pastorate circle si siang asi lokke left bank side lo kadung. Si circle si ABU sokke akuyalum na circle akonpe idung. so area so ngoluke araso kristan ekom lengeto. Kiyit Baptist Church silang Motum Baptist Church si 1968 dítak delo moname.

Si pastorate circle si iyin kope Local Church e kadung.Si circle si circle conference emdítak-dítak lo ralnampe idung. Mission ager emkom aipe idung.

Local Churches:

  1. Ayeng
  2. Mebo
  3. Siluk
  4. Ngopok
  5. Motum
  6. Kiyit
  7. Borguli
  8. Seram
  9. Namsing
  10. Gadum