Adi Baptist Union website so takamem airupe yamrík sudung.

Adi Baptist Union si sim website sim kaana takamem Jisu Kristo ke amin lok ngoluke ayang salamem bidung. sim websitesim ngolum ayanana Rutum Jisu Kristo ke aminlok ilentung.

Adi Baptist Union si aina association kope 1st February 1971 dítak delo ilento.Supak sok Baptist Union sok amínem ADI BAPTIST UNION (ABU) emla míntungku.

Si Union si Arunachal Government lok Society niyom aralok, Society Reg. Act 1860 lok ila Register inamko. Society Registration No. SR/ITA/475.  Delokke Si Union si Jisuke Tatpona Doyingem bojeyape upper Siang, West Siang, East Siang delokke Assam Sok Mishing Ami kídílokom idung. Sok teyolo Abu Shedi bí Arunachal araso delokke ingko amonlo Gospel bedangem sityabíyedí delo íye.

Adi Baptist Union sok Headquarter e Pasighat, Mirmir Charali, East Siang District, Arunachal Pradesh- 791102 lo kadung.  Si Union si agíe solaisunam delokke agíe dakrepsulanape delokke Gospel em ami takaamlo pogolangka emla Mathew 28:19 so lunam kísa iperuulagido emla mídung.Ngoluke Míname so adi ami takaam so delokke abít amolote sim Tatpona Doying sim Information Technology lok pímodope emla íkídung.

Sim website sim ilenladope igulna abu Shedi me yitgedung delokke ankipe kumgul bosuna nolum takam kom botteruupe yitgedung.Delokke nolu sim porirongem sim depepak ipenamkuai emla kanamko kaye mílo ngolum lukan laye.  Adi Baptist Union  e sim website sim ami takaam legape ilenbotung.  Deloklegape nolum takam rogudung nolu takam sim porilangka. Amen

info@adibaptistunion.org delokke a2017di@gmail.com 

Share